ملک بھر کے تمام پاسپورٹ دفاتر میں شہریوں کے لئے نئی سہولت کا آغاز

وزیر داخلہ محسن نقوی نے اعلان کیا ہے کہ ملک بھر کے تمام پاسپورٹ دفاتر میں کیش لیس لین دین کا آغاز کر دیا گیا ہے، انہوں نے کہا کہ اس اقدام سے شہریوں کے لیے پاسپورٹ خدمات تیز تر اور زیادہ آسان ہو جائیں گی۔

محسن نقوی نے ایکس پر ایک پوسٹ میں کہا کہ الحمدللہ آج سے پاکستان بھر کے تمام پاسپورٹ دفاتر میں کیش لیس لین دین فعال ہو گیا ہے۔

Alhamdulillah, starting today, cashless transactions are operational at all Passport Offices across Pakistan.
Applicants no longer need to stand in long queues or wait for hours to make payments. This important reform was initiated on the directions of Prime Minister Shehbaz… https://t.co/U4ABABSqYb

— Mohsin Naqvi (@MohsinnaqviC42) July 1, 2026

انہوں نے کہا کہ درخواست گزاروں کو اب ادائیگیوں کے لیے طویل قطاروں میں کھڑے ہونے یا گھنٹوں انتظار کرنے کی ضرورت نہیں پڑے گی۔ انہوں نے مزید کہا کہ یہ اصلاحات وزیر اعظم شہباز شریف کی ہدایات پر متعارف کرائی گئی ہیں۔

انہوں نے اس اصلاحات کو نافذ کرنے پر ڈائریکٹوریٹ جنرل آف امیگریشن اینڈ پاسپورٹس کی ٹیم کی کارکردگی کو بھی سراہا اور کہا کہ حکومت عوامی خدمات میں مزید بہتری کے لیے کوششیں جاری رکھے گی۔