وزیرِاعظم اور فیلڈ مارشل کی تہران میں آیت اللہ خامنہ ای کی یاد میں تعزیتی تقریب میں شرکت

ایران کے سابق سپریم لیڈر آیت اللہ علی خامنہ ای کا جسدِ خاکی دارالحکومت تہران کی گرینڈ مصلّیٰ مسجد پہنچا دیا گیا ہے، جہاں ان کی یاد میں تعزیتی تقریبات کا سلسلہ جاری ہے۔ پاکستان کے وزیرِاعظم شہباز شریف اور فیلڈ مارشل عاصم منیر سمیت اعلیٰ سرکاری حکام اور سیاسی رہنما بھی تہران میں موجود ہیں۔

وزیراعظم شہباز شریف، فیلڈ مارشل عاصم منیر اور پاکستان کا اعلیٰ سطح کا وفد تہران کے گرینڈ امام خمینی مصلّیٰ میں ایران کے سابق سپریم لیڈر آیت اللہ خامنہ ای کی تعزیتی تقریبات میں شریک ہیں۔

وفد میں اسپیکر قومی اسمبلی ایاز صادق، نائب وزیراعظم اور وزیرخارجہ اسحاق ڈار، وزیر داخلہ محسن نقوی، چیئرمین پیپلزپارٹی بلاول بھٹواور وزیراعلیٰ سندھ مرادعلی شاہ بھی موجود ہیں۔

فیلڈ مارشل سید عاصم منیر کی ایران کے وزیر خارجہ عباس عراقچی سے تہران میں ملاقات

ملاقات کے دوران فیلڈ مارشل سید عاصم منیر نے شہید آیت اللہ علی خامنہ ای کی ایران کیلئے خدمات کو خراج عقیدت پیش کیا

فیلڈ مارشل سید عاصم منیر ایران کے رہبر اعلیٰ شہید آیت اللہ علی خامنہ ای کی آخری… pic.twitter.com/xF310sfwzs

— PTV News (@PTVNewsOfficial) July 3, 2026

وزیراعظم شہبازشریف نے ایران پہچنے کے بعد وزیرِداخلہ سکندر مومنی سے ملاقات کی۔ جس کے بعد وزیراعظم اور فیلڈمارشل عاصم منیر نے سابق سپریم لیڈر کی وفات پر ایرانی صدر مسعود پزشکیان، پارلیمںٹ کے اسپیکر باقر قالیباف اور وزیرِ خارجہ عباس عراقچی سے بھی تعزیت کی۔

اس موقع پر فیلڈ مارشل سید عاصم منیر نے ایران کے وزیر خارجہ عباس عراقچی سے تہران میں ملاقات کی، ملاقات کے دوران فیلڈ مارشل سید عاصم منیر نے شہید آیت اللہ علی خامنہ ای کی ایران کے لیے خدمات کو خراج عقیدت پیش کیا۔