لوک گائیکی کے شہنشاہ عالم لوہار آج بھی امر

لاہور (عبدالسلام علی): پنجاب دھرتی کی آواز،،لوک داستانوں کو چمٹے سے سجا کر اپنی شاہکار آواز میں گا کر ہمیشہ کیلئے امر کرنیوالے سپوت کو عالم لوہار کے نام سے جانا جاتا ہے،،قصہ خوانی اور داستان گوئی میں عالم لوہار کی کوئی ثانی نہیں،

1928میں گجرات میں آنکھ کھولنے والے عالم لوہار کو بچپن سے ہی گائیکی کا شوق تھا،، میلے ٹھیلوں  میں گاتے گاتے ان کی شہرت تھیٹر تک جا پہنچی،جس کے بعد  وہ ہر محفل کی شان بن گئے۔

عالم لوہار جہاں کئی فلموں کیلئے گیت گائے وہیں اداکاری کرتے بھی دکھائی دئیے،، انہوں نے دنیا بھر میں داستان گوئی اور قصہ خوانی کے ذریعے خوب شہرت حاصل کی، ان کی آواز میں گائی گئی جگنی آج بھی مقبول ہے۔

عالم لوہار کے صاحبزادے گلوکار عارف لوہار  بھی والد کے نقش قدم پر چلتے ہوئے دنیا بھر میں ملک و قو م  کی نمائندگی اور نیک نامی کیلئے کوشاں ہیں انہوں نے بھی اپنے والد کی مغفرت کیلئے دعا کی اپیل کی۔

عالم لوہار کو ان کی فنی خدمات پر پرائیڈ آف پرفارمنس سمیت کئی اعزازات سے نوازا گیا،، وہ تین جولائی 1979 کو شامکے بھٹیاں کے قریب ٹریفک حادثے میں  انتقال کر گئے لیکن چاہنے والوں کے دلوں میں ہمیشہ زندہ رہیں گے۔