یاسرحسین کا لاہورمیں فیملی تھیٹرکوفروغ دینے پرزور

عبدالسلام علی سے 

لاہور: معروف اداکار، رائٹر اور ڈائریکٹر یاسر حسین نے کہا ہے کہ کراچی سے لاہور آ کر دوسری مرتبہ ڈرامہ پیش کیا جس کیلئے پنجاب حکومت اور خصوصا لاہور کی عوام کے دل سے شکر گزار ہیں۔

جی این این نیوز سے گفتگو میں مزید کہا کہ ڈرامے کوعوام نے بھرپور پسند کیا،، فیملی ڈرامے وقت کی اہم ضرورت ہیں، اداکار یاسر حسین کا ڈرامہ سو سوئٹ SO' SUITE'  اس وقت الحمرا آرٹس کونسل لاہور میں زیر نمائش ہے جو 31 اگست  تک جاری رہے گا۔

گذشتہ روز وزیر اطلاعات و ثقافت پنجاب عظمیٰ بخاری نے ڈرامہ دیکھا اور فنکاروں کی کاوش کو سراہا کہا لاہوریوں کو عرصہ بعد اصل فیملی تھیٹر ڈرامہ دیکھنے کو ملا ہے۔

ڈرامہ کی نمایاں کاسٹ میں یاسر حسین، حفضہ طارق، عمرعادل ، فہد ہاشمی اور دیگر شامل ہیں۔ ڈرامہ دیکھنے کیلئے اداکارہ ریشم، حریم فاروق، صبا قمر، صحیفہ جبار خٹک، کرکٹر عبدالرزاق اور دیگر شخصیات بھی پہنچیں۔