سندھ میں تمام جامعات مزید ایک ہفتہ بند رکھنے کا فیصلہ

تفصیلات کے مطابق ملک میں جاری کورونا کی صورتحال کو مدنظر رکھتے ہوئے  وزیر برائے جامعات، بورڈز  اسماعیل راہو کا کہنا ہے کہ سندھ کی تمام جامعات اور بورڈز 30 اگست سے کھلیں گی۔انہوں نے کہا کہ طلبہ اور اساتذہ 30 اگست سے پہلے ویکسی نیشن مکمل کروالیں۔

یاد رہے کہ گزشتہ روز اسکولوں کو بھی مزید ایک ہفتے بند کرنے کا فیصلہ کیا گیا تھا۔ پہلے سندھ حکومت نے اسکولوں کو پیر 23 اگست سے کھولنے کا فیصلہ کیا تھا تاہم اب وزیراعلیٰ سندھ کے نئے اعلان کے بعد اسکول 30 اگست سے کھولے جائیں گے۔

 واضح رہے کہ ملک میں کورونا وائرس کی  چوتھی  لہر کے دوران  مزید 65 افراد انتقال کر گئے جبکہ 3084کیسز رپورٹ ہوئے ہیں۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد24ہزار848ہوگئی ہے،جبکہ  متاثرہ افراد کی مجموعی تعداد 11لاکھ19ہزار970ہوگئی ہے ۔ گزشتہ 24 گھنٹوں میں مثبت کیسوں کی شرح 5.73 فیصد رہی۔