بارکھان اور گردنواح میں زلزلے کے جھٹکے

تفصیلات کے مطابق  بلوچستان کے شہر بارکھان اور  گردنواح میں زلزلے کے جھٹکے محسوس کئے گئے ہیں ،ریکٹر اسکیل پرزلزلے کی شدت4.5ریکارڈ کی گئی ہے۔ زلزلے کے خوف سے لوگ گھروں، دکانوں اور دفاتر سے کلمہ طیبہ کا ورد کرتے ہوئے باہر نکل آئے۔

زلزلہ پیما  مرکز  کا کہنا ہے کہ زلزلے کا مرکز بارکھان کے جنوب مشرق میں 49کلو میٹر دور تھا۔

مزید پڑھیں : یواے ای کا 30 اگست سے سیاحتی ویزہ کھولنے کا اعلان

گزشتہ ہفتے  کراچی میں زلزلے کے شدید جھٹکے محسوس کئے گئے تھے۔زلزلےکی  شدت ریکٹر سکیل پر 3 اعشاریہ 1 ریکارڈ کی گئی تھی ، زلزلے کے خوف سے لوگ گھروں، دکانوں اور دفاتر سے کلمہ طیبہ کا ورد کرتے ہوئے باہر نکل آئے تھے۔زلزلہ پیما مرکز کے مطابق کراچی میں آنے والے زلزلے کی زیرزمین گہرائی 15 کلو میٹر تھی، جب کہ اس کا مرکزکراچی سے 72 کلومیٹر دور شمال مشرق میں تھا۔