لاہور : سی ٹی ڈی کی بڑی کارروائی ، 4 دہشت گرد گرفتار 

جی این این کے مطابق کاؤنٹر ٹیررزم ڈیپارٹمنٹ  (سی ٹی ڈی ) نے کارروائی کرتے ہوئے کالعدم تنظیم القاعدہ کے 4 دہشت گرد گرفتار کرلیے ۔ - سی ٹی ڈی حکام کے مطابق  کالعدم تنظیم القاعدہ کے چاروں دہشت گردوں کو موہلنوال سے حراست میں لیا گیا  جن کی شناخت محمد مشتاق ، سمیع اللہ ، عادل جمال ، اور اسامہ خالد کے نام سے ہوئی ہے ۔ چاروں دہشت گردقانون نافذ کرنے والے اداروں پر حملے کی منصوبہ  بندی کررہے تھے  ۔  سی ٹی ڈی حکام نے  دہشت گردوں کے قبضہ سے بارودی مواد اور دیگر سامان بھی برآمد کرلیا ۔ 

سی ٹی ڈی پولیس اسٹیشن میں  ایف آئی آر درج کر لی  گئی ہے۔

خیال رہے کہ گزشتہ روز شمالی وزیرستان میں  سیکیورٹی فورسز کے آپریشن میں کالعدم  تحریک طالبان پاکستان کمانڈر سیف اللہ مارا گیا تھا ۔  آئی ایس پی آر کے مطابق   کالعدم ٹی ٹی پی کمانڈر  این جی او اور ایف ڈبلیو او کے کارکنوں پر حملوں میں ملوث تھا۔