ویکسین نہ لگوانے والوں کو این سی او سی نے خبردار کردیا 

تفصیلات کے مطابق سماجی رابطے کی ویب سائٹ ٹوئٹر پر پیغام میں نیشنل کمانڈ اینڈکنٹرول سنٹر (این سی او سی )  نے شہریوں کو خبردار کرتے ہوئے کہا ہے کہ  یکم  اکتوبرسے ایسے تمام افراد  جنہوں نے ویکسین نہیں لگوائی ہو گی ، روزمرہ زندگی میں زیر استعمال بہت سی سہولیات کی بندش کر دی جائے گی۔این سی او سی نے شہریوں کو ہدایت کی کہ  ویکسینیشن کا عمل جلد از جلد مکمل کروایں اور زندگی رواں رکھیں۔ 

انتباہ ! پہلی اکتوبرسے ایسے تمام افراد پہ، جنہوں نے ویکسین نہیں لگوائی ہو گی ، روزمرہ زندگی میں زیر استعمال بہت سی سہولیات کی بندش کر دی جائے گی۔ ویکسینیشن کا عمل جلد از جلد مکمل کروایں اور زندگی رواں رکھیں

— NCOC (@OfficialNcoc) September 21, 2021

یاد رہےکہ ملک بھر میں کورونا ویکسی نیشن کا عمل جاری ہے ،   گزشتہ روز 8 لاکھ 45 ہزار کورونا ویکسینز لگائی گئیں۔ این سی او سی کے اعداد وشمار کے مطابق پاکستان میں کورونا ویکسین کی 7 کروڑ 38 لاکھ 31 ہزار 778 خوراکیں لگ چکی ہیں اور گزشتہ 24 گھنٹوں کے دوران 4 لاکھ 9 ہزار 976 افراد کی مکمل ویکسینیشن کی گئی اور 4 لاکھ 82 ہزار 378 افراد کو پہلی خوراک دی گئی۔