دورہ ختم ہونے کے بعد بھی پاکستانی حکام نے بہت خیال رکھا ، کیوی کپتان

ویلنگٹن: پاکستان کے دورے پر آنے والی نیوزی لینڈ کرکٹ ٹیم کے کپتان ٹام لیتھم کا کہنا ہے کہ پاکستان میں دورے کا اختتام مایوس کن ہے ، یہ پاکستان میں بسنے والوں کے لیے مایوس کن جہاں برسوں میں ہوم میچز کم ملے ہیں ۔ 

یہ بھی پڑھیں : نیوزی لینڈ کی اتنی فورسز نہیں جتنی انہیں سیکیورٹی دی تھی:  شیخ رشید

انہوں نے کہا کہ مجھے یاد ہے کہ ایک دن بابراعظم کے ساتھ جارہا تھا کہ وہ کس قدر  خوش تھے کہ انٹرنیشنل کرکٹ ہورہی ہے اور ہام وہاں موجود ہیں ۔ بابراعظم پر جوش تھے ، یہ تاریخی لمحہ تھا کہ نیوزی لینڈ کرکٹ ٹیم 18 برس بعد وہاں آئی ہے ۔ 

یہ بھی پڑھیں : نیوزی لینڈ کپتان کین ولیمسن نےدورہ پاکستا ن منسوخی کو شرمناک قرار دیدیا

انہوں نے کہا کہ فیصلے کے بعد بھی پاکستانی حکام ہمارے لیے بہت اچھے سے پیش آئے ، ہمیں آرام سے رکھا گیا ، ہم پاکستانی اتھارٹیز کا شکریہ ادا کرتے ہیں ۔ 

ٹام کا کہناتھا کہ میں بھی اچھاہوں اور ٹیم کے سب کھلاڑی بھی اچھے ہیں ، دورہ ختم کرنے کے اعلان کے بعد 24 گھنٹوں میں ہم پاکستان سے نکلے۔