ای سی سی نے 50 ہزار ٹن چینی درآمد کی منظوری دیدی

تفصیلات کے مطابق اجلاس میں کامیاب پاکستان پروگرام کی منظوری بھی دے دی گئی ہے کامیاب پاکستان پروگرام کے 5 نمایاں پہلو ہیں،کامیاب کاروبار، کامیاب کسان، کامیاب ہنرمند، صحتمند پاکستان اور نیا پاکستان کم لاگت گھر شامل ہیں۔

کاروبار، کسان اور کم لاگت گھروں کیلئے احساس ڈیٹا بیس میں رجسٹرڈ افراد اہل ہوں گے، ہند مند اور صحت مند پروگرام موجودہ پروگرامز کے تحت شروع ہوں گے، حکومت ان پروگرامز کیلئے دو گارنٹیز فراہم کرے گی۔

کامیاب پاکستان پروگرام پہلے مرحلے میں بلوچستان، کے پی، آزاد کشمیر، گلگت بلتستان میں شروع کیا جائیگا جبکہ سندھ اور پنجاب کے پسماندہ اضلاع میں بھی کامیاب پاکستان پروگرام پہلے مرحلے میں شروع کیا جائے گا۔

ای سی سی میں سٹیٹ بنک کے حصص پر 10 فیصد شرح سے ڈیوڈنڈ دینے کی بھی منظوری گئی ہے،جبکہ پاکستان سٹیل ملز ملازمین کیلئے تنخواہوں کی ادائیگی کیلئے فنڈز فراہمی کی منظوری بھی دیدی گئی ہے۔

ای سی سی نے ایک لاکھ 20 ہزار میٹرک ٹن گندم کیلئے کم از کم بولی کی منظوری دیدی ہے جبکہ پاسکو سے 40 ہزار میٹرک ٹن کی خریداری کی منظوری بھی دیدی گئی ہے۔ 

ای سی سی میں جنکوز کو 50 کروڑ کی تکنیکی سپلیمنٹری گرانٹ فراہم کی منظوری، جبکہ ای سی سی نے بند ہونے والے جنکوز کے پنشنرز کی ایڈجسٹمنٹ بارے سمری بھی منظور کرلی ہے۔