پاکستان اور چینی افواج کی مشترکہ انسداد دہشت گردی مشقیں شروع: آئی ایس پی آر

پاک فوج کے شعبہ تعلقات عامہ (آئی ایس پی آر)  کی جانب سے جاری کردہ بیان کے مطابق  مشترکہ انسداد دہشتگردی مشقیں 2021 نیشنل کاونٹر ٹیررازم سنٹر پبی میں شروع ہوگئی ہیں ،مشقیں شنگھائی تعاون تنظیم ریجنل اینٹی ٹیررزم سٹرکچر کے تحت ہورہی ہیں، افتتاحی تقریب میں میجرجنرل جاویددوست چانڈیومہمان خصوصی تھے۔

آئی ایس پی آر کے مطابق   شترکہ مشقوں  میں پاک فوج کے سپیشل سروسز گروپ اور چینی پیپلز لبریشن آرمی کے دستے حصہ لےرہے ہیں، مشقوں کے دوران انسداد دہشت گردی کے حوالے سےمختلف ڈرلز اور آپریشنز کئے جائیں گے۔ 

ترجمان پاک فوج کا کہنا ہے کہ مشقوں میں علاقے کا محاصرہ، سرچ، کلیئرنس آپریشنزاور کلوز کوارٹر بیٹل کے پہلو بھی شامل ہیں۔ مشقوں سے انسداد دہشت گردی کے آپریشنزمیں سپیشل سروسز گروپ اور قانون نافذ کرنیوالے اداروں میں ربط مضبوط ہوگا۔

آئی ایس پی آر کے مطابق مشقوں کا پہلا مرحلہ 26 سے31 جولائی تک منعقد کیا گیا تھا ۔ اگلے مرحلے میں یہ مشقیں دو ہفتے تک پاکستان میں جاری رہیں گی۔