آسام میں مسلمانوں پر تشدد کے واقعات کے بعد پاکستان نے بھارت کے خلاف بڑاقدم اٹھا لیا

اسلام آباد: بھارتی ریاست آسام میں مسلمانوں پر تشدد کے واقعات پر پاکستان نے بھارتی ناظم الامور کو دفتر خارجہ طلب کیا ہے اور واقعات پرشدید تشویش کا اظہار کیا ہے ۔ 

ترجمان دفتر خارجہ عاصم افتخار کی طرف سے جاری کردہ بیان کے مطابق بھارتی ریاست آسام میں مسلمانوں کو نشانہ بنانے پر شدید تشویش ہے ، 
آسام میں مسلمانوں کے خلاف وحشیانہ بے دخلی مہم کا آغاز تشویشناک ہے ، پولیس کے ہاتھوں غیر مسلح شخص کا قتل کیا گیا ہے ۔ 

سیکیورٹی فورسز کی موجودگی میں متعدد افراد نے لاش کی بے حرمتی کی نہتے شخص کے قتل اور لاش کی بے حرمتی کی ویڈیو ناقابل یقین حد تک دھچکا ہے ۔