آج ملک میں کہاں کہاں بارش کا امکان ہے ؟جانیئے

کراچی : محکمہ موسمیات نے شہر قائد میں مون سون کے چوتھے سپیل کے تیسرے روز بھی بارش کی پیش گوئی کردی جبکہ اسلام آباد سمیت پنجاب میں مطلع جزوی ابر آلود رہنے کا امکان ہے ۔ 

محکمہ موسمیات کے مطابق کراچی میں آج گرج چمک کے ساتھ ہلکی اور تیز بارش کا امکان ہے جبکہ شہر میں آج زیادہ سے زیادہ درجہ حرارت 36 سے 38 ڈگری تک متوقع ہے اور ہوا میں نمی کا تناسب 45 فیصد ہے ۔ 

محکمہ موسمیات کا کہنا ہے کہ کوئٹہ سمیت بلوچستان کے مختلف شہروں میں مطلع جزوی ابر آلود رہے گا ۔ جبکہ کوئٹہ میں صبح  کم سے کم درجہ حرارت 19 ڈگری سینٹی گریڈ ریکارڈ کیا گیا ۔