کورونا وائرس : گزشتہ24گھنٹوں میں کوروناسے42افرادانتقال کرگئے

تفصیلات کے مطابق  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں کورونا وائرس کی  چوتھی  لہر کے دوران  مزید 42افراد انتقال کر گئے جبکہ1ہزار780کیسز رپورٹ ہوئے ہیں۔ پاکستان میں کوروناکے4199مریضوں کی حالت تشویشناک ہے۔ این سی او سی کے مطابق گزشتہ24گھنٹوں میں کوروناکےمثبت کیسزکی شرح3.98فیصدرہی،پاکستان میں کوروناکے4199مریضوں کی حالت تشویشناک ہے۔

پنجاب 

پنجاب میں کورونا مریضوں کی تعداد 4لاکھ28ہزار394ہوگئی ۔ جبکہ صوبے میں اب تک 12ہزار 553افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ55ہزار065ہو گئی جبکہ صوبے میں اب تک 7 ہزار 335افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 73ہزار023ہوچکی ہے ۔ صوبے میں 5498افراد چل بسے۔

بلوچستان

بلوچستان میں کورونا وائرس کے اب تک 32ہزار849کیسز رپورٹ ہوئے ہیں جبکہ صوبے میں 346مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد ایک لاکھ 5ہزار21جبکہ اموات کی تعداد915تک جاپہنچی ۔

گلگت بلتستان

گلگت بلتستان میں اب تک 10ہزار 296فراد کورونا کا شکار ہوئے ہیں جبکہ184افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد34ہزار020ہوچکی ہے جبکہ735افراد جان کی بازی ہار گئے ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔