امریکا   نے طالبان اور حقانی نیٹ ورک کے ساتھ لین دین کی اجازت دے دی

غیر ملکی خبر رساں ادارے کے مطابق   عالمی تنظیموں اور اداروں کو طالبان اور حقانی نیٹ ورک کے ساتھ لین دین کی اجازت دے دی گئی۔ سرکاری و غیرسرکاری تنظیموں ،بین الاقوامی کمیونٹی اور اقوام متحدہ  کو افغانستان میں کام کرنے کالائسنس جاری کردیا۔ افغانستان کو خوراک اور ادویات سمیت دیگر سامان بھجوانے کا بھی لائسنس جاری کردیا۔

نوبل انعام یافتہ ملالہ یوسفزئی نے بین الاقوامی کمیونٹی سے افغان خواتین کےحقوق یقینی بنانے کا مطالبہ کردیا۔ انہوں نے کہا کہ  مجھے ڈر ہے کہ طالبان 20سال پہلے جیسا رویہ ہی اپنائیں گے۔ہم  خواتین کے حقوق کےتحفظ پر سمجھوتہ نہیں کرسکتے۔

دوسری جانب طالبان نے اسکریپ کی بیرون ملک منتقلی پر پابندی لگادی ہے،امریکی فوج افغانستان سے انخلا کے دوران کروڑوں ڈالرز مالیت کا فوجی سازو سامان چھوڑ کر گئی ہے،  کئی فوجی گاڑیاں اور دیگر سامان ناکارہ بنایا ہے جن پر اسکریپ کا کام کرنے والوں کی نظریں لگی ہوئی ہیں۔