پی ٹی آئی کا پنجاب میں بلدیاتی انتخابات کی تیاری کےلئے روڑ میپ تیار

تفصیلات کے مطابق  پاکستان تحریک انصاف (پی ٹی آئی )نے پنجاب میں بلدیاتی انتخابات کی تیاری کےلئے روڑ میپ تیار کرلیا ہے،  صوبہ بھر میں بلدیاتی انتخابات کے لئے پارٹی کنونشز کرنے کا فیصلہ کیا گیا ہے۔پارٹی کے  ارکان اسمبلی اوروزرا کو  بھی  حلقوں میں بلدیاتی انتخابات کے لئے ٹاسک سونپ دیئے گئے۔

 پی ٹی آئی وسطی پنجاب  آ ج سے  بلدیاتی انتخابات کے لئے  پارٹی کنونشز کا آغاز کرے گی، پی ٹی آئی وسطی پنجاب کے صدر اعجاز چوہدری   آج بلدیاتی انتخابات کنونشن سے خطاب کریں گے، پنجاب بھر میں بلدیاتی انتخابات کے لئے  پارٹی کو  فعال بنایاجائے گا۔ پارٹی ارکان اسمبلی ،وزر ا اورپارٹی    عہدیداروں کو مضبوط امیدروں کی تلاش کا بھی ٹاسک دیدیاگیا۔

اعجاز چوہدری کا کہنا ہے کہ  تحریک انصاف بلدیاتی انتخابات کے میدان میں بھرپور انداز سے  جائے گی ، آج سے کنونشز کاسلسلہ شروع کررہے ہیں ۔