آسٹریلیا کے سابق کپتان ایئن چیپل پاکستان کی حمایت میں بول پڑے

تفصیلات کے مطابق   آسٹریلیا کے سابق کپتان ایئن چیپل نے بھی پاکستان کی حمایت کردی،معروف کرکٹ ویب سائٹ  میں ایئن چیپل نے مضمون لکھا جس میں انہوں نے لکھا کہ پاکستان کے ساتھ ناروا سلوک کیا گیا،انگلینڈ اور نیوزی لینڈ نے دورہ پاکستان منسوخ کرکے خود غرضی کا مظاہرہ کیا، انہوں نے یہ بھی لکھا کہ پاکستان نے کورونا کے مشکل وقت میں کئی ممالک کا دورہ کیا تھا۔

دوسری جانب نیوزی لینڈ کے کوچ گیری سٹیڈ نے کہا ہے جو بھی ہوا وہ برا تھا، وہ پاکستان میں موجود نہیں تھے لیکن کھلاڑیوں کے مطابق پاکستان میں سیکورٹی انتظامات بہترین تھے۔

آسٹریلیا کے کومینٹیٹر مائیک ہیزمان نے بھی پاکستان میں انتظامات کو بہترین قرار دیا ہے،مائیک ہیزمان نیشنل ٹی ٹوئنٹی کپ میں کومینٹری کے لیے پاکستان میں موجود ہیں،انہوں نے پاکستان کی مہمان نواز کی بھی خود تعریف کی۔