ملک میں جولائی کے بعد کورونا سے یومیہ سب سے کم اموات ریکارڈ

 نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں کورونا وائرس کی  چوتھی  لہر کے دوران   31 افراد انتقال کر گئے۔ ماہ جولائی کے بعد یہ اب تک ریکارڈ کی جانیوالی سب سے کم اموات ہیں ، جبکہ 1ہزار 757 کیسز رپورٹ ہوئے ہیں۔ ملک میں  اموات کی مجموعی تعداد27ہزار597ہوگئی ،جبکہ  متاثرہ افراد کی مجموعی تعداد 12 لاکھ 40 ہزار425 تک پہنچ گئی ہے۔

 این سی اوسی کے مطابق ملک میں کورونا کے فعال کیسز کی تعداد50ہزار651ہوگئی  جبکہ گزشتہ 24گھنٹوں میں کورونا کے 48 ہزار723ٹیسٹ کئےگئے ۔ 

پنجاب 

پنجاب میں کورونا مریضوں کی تعداد 4لاکھ29ہزار 081ہوگئی ۔ جبکہ صوبے میں اب تک 12ہزار 559افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ55ہزار 808ہو گئی جبکہ صوبے میں اب تک 7 ہزار 350افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 73ہزار210ہوچکی ہے ۔ صوبے میں 5507افراد چل بسے۔

بلوچستان

بلوچستان میں کورونا وائرس کے اب تک 32ہزار861کیسز رپورٹ ہوئے ہیں جبکہ صوبے میں 346مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد ایک لاکھ 5ہزار 120جبکہ اموات کی تعداد916تک جاپہنچی ۔

گلگت بلتستان

گلگت بلتستان میں اب تک 10ہزار 299فراد کورونا کا شکار ہوئے ہیں جبکہ184افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد34ہزار046ہوچکی ہے جبکہ 735افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ24گھنٹوں میں1ہزار 765افرادکوروناسےصحت یاب ہوچکے، ملک بھر میں اب  تک11لاکھ62ہزار177مریض کورونا کو شکست دے چکے ہیں ۔ 

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔