دہشت گردوں کی ایف سی کی سرحدی چوکی پر فائرنگ، ایک سپاہی شہید

پاک فوج کے شعبہ تعلقات عامہ (آئی ایس پی آر) کے مطابق بلوچستان کے علاقے چوکب میں دہشت گردوں نے ایف سی کی چوکی کو چھوٹے ہتھیاروں سے نشانہ بنایا۔

آئی ایس پی آر کا کہنا ہے کہ دہشت گردوں کی فائرنگ سے ایف سی کا سپاہی مقبول شاہ شہید ہوگیا جبکہ ایک اہلکار زخمی ہوا۔

آئی ایس پی آر کے مطابق ایرانی حکام کو واقعے سے متعلق آگاہ کر دیا گیا ہے۔