ایل پی جی کی قیمت میں 29 روپے  فی کلو گرام کا اضافہ

تفصیلات کے مطابق  آئل  اینڈ گیس ریگولیٹری اتھارٹی (اوگرا) نے  ایل پی جی کی قیمتوں میں  29 روپے فی کلو گرام کا اضافہ کردیا ۔ اوگرا  کی جانب سے  قیمتوں میں اضافے کا نوٹیفکیشن جاری کردیا  گیا ہے۔

نوٹیفکیشن کے مطابق  اکتوبر کیلئے ایل پی جی کی قیمت 203 روپے فی کلو گرام مقرر کی گئی ہے جبکہ 11.8کلوگرام کے گھریلو سلنڈر  کی قیمت 2304 روپے مقرر کردی گئی۔گھریلو سلنڈر 343روپے  مہنگا ہوگیا۔

دوسری جانب    پٹرولیم مصنوعات کی قیمتوں میں اضافہ کردیا گیا  ہے۔وزارت خزانہ   کے مطابق پٹرول کی فی لٹرقیمت میں 4 روپے کا اضافہ کیا گیا ہے۔ ہائی اسپیڈ ڈیزل کی قیمت میں 2 روپے فی لٹر کا اضافہ کردیا گیا ۔