نیپرا نے بجلی  کی قیمت میں اضافہ کردیا 

جی این این کے مطابق نیشنل الیکٹرک پاور ریگولیٹری اتھارٹی (  نیپرا ) کی جانب سے جاری نوٹی فکیشن  میں  مالی سال 2019-20 اور 2020-21 کی تیسری  سہ ماہی ایڈجسٹمنٹس کی مد میں بجلی  کی قیمتوں میں اضافہ کیا ہے  ۔ نیپرا نے بجلی ایک سال کیلیے 1 روپے 72 پیسے مہنگی کردی جس کے بعد بجلی اوسط قیمت 16 روپے 44  پیسے سے بڑھ کر 18 روپے 16 پیسے فی یونٹ ہوگئی ہے۔ 

بجلی میں اضافے کے فیصلے کے بعد بجلی صارفین پر 90 ارب روپے سے زائد کا اضافی بوجھ پڑے گا، فیصلے کا اطلاق 300 یونٹس سے زائد بجلی استعمال کرنے والوں پر ہوگا ۔

نیپرا اتھارٹی کے مطابق قیمت میں اضافے کا اطلاق یکم اکتوبر2021 سے کردیا گیا ہے، تاہم کےالیکٹرک صارفین پر فیصلے کا اطلاق نہیں ہوگا۔

واضح رہے  کہ 10 ستمبر کو نیشنل  الیکٹرک  پاورلیگولیٹری اتھارٹی (نیپرا ) نے فیول پرائس ایڈجسٹمنٹ کی مد میں بجلی کی قیمتوں میں 1 روپے 37 پیسے اضافہ کیا تھا ۔