خیبرپختونخوا: آلودہ پانی سے سیراب ہونے والی فصلیں، بڑا انکشاف سامنے آگیا

جی این این کے مطابق رپورٹ میں  خیبرپختونخواکےچھ اضلاع کی آلودہ سبزیاں اورفصلیں انسانی صحت کےلئےسنگین خطرہ قرار دیا گیا ہے ۔ محکمہ لائیواسٹاک وزراعت کی رپورٹ میں  کارخانوں،ہسپتالوں اورگھروں سےنکلنے والے پانی میں زہریلی کیمیکل کاانکشاف ہواہے، گندے پانی سے سیراب ہونیوالی سبزیوں میں زہریلی دھاتوں کی موجودگی کےشواہدملے ہیں، بھاری دھاتوں کےحوالے سےسب سے زیادہ آلودہ سبزیوں کےنمونے پشاورسےملے۔ 

رپورٹ کے مطابق زہریلاپانی کےباعث ایبٹ آباد،ڈی آئی خان،مردان،مانسہرہ اورچارسدہ کی سبزیاں اوردیگرفصلیں صحت کیلئے مضرہیں،یہ  زہریلے عناصرناقابلِ تنسیخ اورلمبی مدت تک برقراررہتے ہیں اورہضم بھی نہیں ہوتے۔ رپورٹ میں کہا گیا ہے کہ زہریلی فصلوں کےاستعمال سے مختلف خطرناک ترین بیماریاں لاحق ہورہی ہیں، جبکہ دل کے امراض، کینسر،خون کی کمی،گردوں،اعصابی نظام،ذہن،دماغ،جلداورہڈیوں کے امراض جنم لے رہے ہیں۔