ناسا نے پریزروینس روور کے مریخ کی سطح پر اترنے کی ویڈیو جاری کردی

تفصیلات کے مطابق  ناسا کے  مارس مشن نے ایک اور سنگ میل عبو رکر لیا۔پریزروینس روور کے مریخ کی سطح پر اترنے کی ویڈیو  بھی جاری کردی۔تین منٹ اڑتیس  سیکنڈ کی ویڈیو  میں پریزروینس روور  کو مریخ کی فضا میں داخل ہوتے ،پیراشوٹ کھولتے اور مریخ پرسیاہ  بادلوں  میں اترتے ہوئے دیکھا جاسکتا ہے۔

تین مختلف کیمروں نے اس سارے عمل کی منظر کشی کی ہے  ۔چھ پہیوں والا یہ روبوٹ اب دو سال تک پتھروں میں ڈرلنگ کر کے ماضی میں یہاں زندگی کی موجودگی کے ثبوت اکٹھے کرے گا۔ مریخ سے پتھروں کے نمونے 2030سے   زمین پر لائے جائیں گے۔