نیب ترمیمی آرڈیننس کیلئے شہبازشریف سے بات ہوگی:وزیرقانون 

تفصیلات کے مطابق فروغ نسیم کا کہنا تھا کہ اپوزیشن سے مذاکرات میں ڈیڈ لاک رہا تو موجودہ چیئرمین برقرار رہیں گے، چیئرمین نیب پر مشاورت نہ ہوسکی تومعاملہ پارلیمانی کمیٹی میں جائے گا۔

ذرائع کے مطابق وزیرقانون فروغ نسیم نے نیب ترمیمی آرڈیننس کا ڈرافٹ فائنل کر لیا،نئے ڈرافٹ کے مطابق ضمانت کا اختیار بھی ٹرائل کورٹ کو دیا جائے گا۔

ذرائع کا کہنا ہے کہ آرڈیننس وزیراعظم کو کل پیش کیا جائے گا،جبکہ ٹیکس کیسز کو نیب ڈیل نہیں کریگا ایف بی آرمیں جائیں گے،کسی ریٹائرڈ جج کی تعیناتی کرنی پڑی تو حکومت خود کرے گی۔

فروغ نسیم کا کہنا ہے کہ فیصلہ کیا ہے قانون کے تحت شہبازشریف سے مشاورت ہوگی، حکومت چاہتی ہے کہ نئے چیئرمین نیب کی تقرری کیلئے جاویداقبال کےنام پر بھی غور کیاجائے۔ 

ان کا مزید کہنا ہے کہ نئے آرڈیننس میں ناقابل توسیع کا لفظ ہٹایا جارہا ہے،جب تک چیئرمین نیب نئے نہیں آئےپرانے چیئرمین کام کریں گے۔