چیرمین نیب کی مدت ملازمت میں توسیع، کابینہ نے نیب آرڈیننس کے مسودے کی منظوری دیدی

ذرائع کے مطابق  وزیراعظم کی زیر صدارت وفاقی کابینہ کا اجلاس ختم ہوگیا، کابینہ نے نیب آرڈیننس کے مسودے کی منظوری دے دی ہے۔ چیئرمین نیب جسٹس ریٹائرڈ جاوید اقبال کی مدت ملازمت میں توسیع کا فیصلہ کرلیا گیا۔

 ذرائع کا کہنا ہے کہ   وزیراعظم نے نیب آرڈیننس میں ترمیم کا مسودہ منظور کر لیا۔ صدارتی آرڈیننس کے ذریعے چیئرمین نیب کو توسیع دی جائےگی۔ آرڈیننس میں چئیرمین نیب کی تقرری کا طریقہ کار طے کیا جائے گا،  وزرا پرمشتمل کمیٹی نے مسودہ تیار کیا۔ آرڈیننس  میں ایک سے زائد ترامیم کی گئیں۔

ذرائع کے مطابق   کابینہ نے ساتویں مردم شماری کرانے سے متعلق تجاویز جزوی طور پر منظور کرلیں۔ پاک فوج کی تعیناتی ہو گی۔ آئندہ الیکشن بھی  نئی مردم شماری کے تحت ہوں گے۔

گزشتہ روز ڈپٹی چیئرمین نیب حسین اصغر نے عہدے سے استعفیٰ دے دیا تھا۔

خیال رہے کہ  چیئرمین نیب جاوید اقبال کی مدت ملازمت 8 تاریخ کو ختم ہورہی ہے ۔