جماعت اسلامی نے پنڈورا پیپرز پر سپریم کورٹ جانےکا اعلان کردیا

تفصیلات کے مطابق میڈیا سے گفتگو کرتے ہوئے امیرجماعت اسلامی کا کہنا تھا کہ  پاناما لیکس اور پنڈورا پیپرز میں ملوث افراد کا احتساب ہونا چاہیے، پاناما لیکس میں چند لوگوں کے خلاف فیصلہ کیا گیا۔

سراج الحق کا کہنا تھا کہ سپریم کورٹ از خود نوٹس لے  اور ان وزرا اور سرکاری افسران سے استعفیٰ لیا جائے جن کے نام پنڈورا پیپرز میں آئے ہیں۔

امیر جماعت اسلامی کا کہنا تھا کہ نیب کے چیئرمین کی توسیع کے حق میں نہیں ، آئین کے مطابق نئے چیئرمین کی تعیناتی کی جائے۔

ان کا مزید کہنا تھا کہ 31 اکتوبر کو ڈی چوک اسلام آباد میں ملک بھر کے بیروزگار نوجوانوں کو جمع ہونے کی کال دیتے ہوئےکہا کہ جماعت اسلامی قومی ایشوز پر آواز اٹھاتی رہے گی۔