مسلم کانفرنس یوتھ ونگ کے جنرل سیکرٹری راجہ عابد ایوب کا پی ٹی آئی  آزاد کشمیر میں شمولیت کا فیصلہ

تفصیلات کے مطابق   تحریک انصاف آزاد کشمیر کو چڑھوئی ضمنی الیکشن سے قبل ایک اور بڑی کامیابی  مل گئی ہے۔ وزیراعظم آزاد جموں وکشمیر سردار عبد القیوم نیازی سے مسلم کانفرنس یوتھ ونگ کے سیکرٹری جنرل راجہ عابد ایوب نے  ملاقات کی ہے۔ 

 مسلم کانفرنس یوتھ ونگ کے جنرل سیکرٹری راجہ عابد ایوب نے  تحریک انصاف آزاد کشمیر میں شمولیت کا فیصلہ کرلیا، راجہ عابد ایوب نے خاندان سمیت چڑھوئی ضمنی الیکشن میں تحریک انصاف آزاد کشمیر کی بھرپور حمایت کا اعلان  کیا ہے۔

وزیراعظم سردار عبد القیوم نیازی نے راجہ عابد ایوب سے کہا کہ آپ کو تحریک انصاف آزاد کشمیر میں شمولیت پر خوش آمدید کہتا ہوں،  امید ہے کہ آپ وزیراعظم پاکستان عمران خان کے ویژن کو آگے بڑھائیں گے، تحریک انصاف میں شمولیت پر آپ کے وقار میں اصافہ ہو گا،   آزاد کشمیر کو خوشحال بنانے کیلئے تمام وسائل بروئے کار لائیں گے۔

راجہ عابد ایوب نے کہا کہ  وزیراعظم پاکستان عمران خان نے آپ کو آزاد کشمیر کا وزیر اعظم بنا کر کشمیریوں کے دل جیت لیے،  آزاد کشمیر میں آپ کے وزیراعظم بننے پر جس طرح خوشی کا اظہار کیا گیا اس کی ماضی میں مثال نہیں ملتی، آپ عوامی وزیراعظم ہیں ،میں آپ کی قیادت میں تحریک انصاف میں شامل ہونا چاہتا تھا۔