پنڈورا لیکس پرجواب نا دینے والوں کو اداروں کے حوالے کریں گے: وفاقی وزیرداخلہ

تفصیلات کے مطابق شیخ رشید کا کہنا تھا کہ ہم مزاحمت نہیں مفاہمت کے داعی ہیں جب کہ ٹی ٹی پی سےمذاکرات ہونے یا نہ ہونے کی میرے پاس خبر نہیں، ٹی ٹی پی سے اگر مذاکرات ہورہے ہیں تو مجھے نہیں پتا، ہمیں اطلاع ہے ٹی ٹی پی کو تین چار گروپوں نے جوائن کیا ہے۔

ان کا کہنا تھا کہ یوسف رضاگیلانی اپنانام ای سی ایل میں ہونے پر درخواست دیں ہم دیکھیں گے جب کہ یوسف رضا گیلانی عدالت یا وزارت داخلہ سے رجوع کرسکتے ہیں۔

انہوں نے کہا ہے کہ نوازشریف کی سیاست کو مرتے ہوئے دیکھ رہاہوں ،اگرنوازشریف واپس آنا چاہتے ہیں تو24گھنٹے میں کاغذات جاری کرسکتے ہیں۔

وفاقی وزیر داخلہ کا مزید کہنا تھا کہ افغانستان کے لیے آن لائن ویزا کرنے جارہے ہیں اس سے معلومات میں شفافیت آئے گی۔