نیشنل ٹی ٹوئنٹی کپ  : بلوچستان کے چار کھلاڑیوں کا کورونا ٹیسٹ مثبت آگیا

تفصیلات کے مطابق نیشنل ٹی ٹوئنٹی کپ پر کورونا وائرس کا وار، بلوچستان ٹیم کے چار کھلاڑیوں کا کورونا ٹیسٹ مثبت آ گیا، کورونا سے متاثر کھلاڑیوں کو فوری طور پر قرنطینہ کر دیا گیا ہے۔

نیشنل ٹی ٹوئنٹی کپ میں کورونا کی انٹری#GNNUpdates #GNN #T20Cup pic.twitter.com/J1RSEyLWsD

— GNN (@gnnhdofficial) October 6, 2021

آج دن کے دوسرے مقابلے میں بلوچستان نے ناردرن کے خلاف ایکشن میں نظر آنا تھا،تاہم پی سی بی نے شیڈول میں تبدیلی کر کے ناردرن کا میچ جنوبی پنجاب کیساتھ طے کر دیا  ہے۔

دوسری طرف ٹی ٹوئنٹی ورلڈ کپ میں شامل کھلاڑی سات اکتوبر تک نیشنل ٹی ٹوئنٹی کپ کھیل سکیں گے،آٹھ اکتوبر سے ٹی ٹوئنٹی ورلڈ کپ کا سکواڈ الگ ببل میں منتقل ہو جائے گا۔

 نیشنل ٹی 20 کپ میں سینٹرل پنجاب نے سندھ کو شکست دے دی ہے، سندھ نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 128 رنز بنائے اور سینٹرل پنجاب کو جیت کے لیے 129 رنز کا ہدف دیا۔

سینٹرل پنجاب نے مطلوبہ ہدف 15.4 اوورز میں 2 وکٹوں کے نقصان پر ہی پورا کر لیا،طلعت حسین نے 68 اور شعیب ملک نے 40 رنز کی ناقابل شکست اننگز کھیلتے ہوئے سندھ کو 8 وکٹوں سے شکست دے دی۔