ربیع الاول کا چاند دیکھنے کیلئے زونل اورضلعی رویت ہلال کمیٹیوں کے اجلاس آج ہونگے

تفصیلات کے مطابق ربیع الاول 1443ھ کا چاند دیکھنے کے لئے زونل اورضلعی ہلال کمیٹیوں کے اجلاس آج ہونگے ۔ مرکزی رویت ہلال کمیٹی کے چیئرمین مولانا محمد عبدالخبیر آزاد وزارت مذہبی امور میں منعقدہ اسلام آباد زون کی کمیٹی کے اجلاس کی صدارت کریں گے۔ 

دوسری جانب محکمہ موسمیات کی جانب سے جاری کردہ پریس ریلیزکے مطابق ربیع الاول 1443 کا چاند 7 اکتوبر بروز جمعرات کو نظرآنے کا امکان ہے۔  اس طرح عید میلادالنبیؑ  12 ربیع الاول 19  اکتوبرکو ہو گی۔ محکمہ موسمیات کے مطابق 7 اکتوبر2021 کو ملک کے بعض علاقوں میں موسم جزوی طورپر یا مکمل طورابرآلود رہنے کی توقع ہے۔

یا درہےکہ  ماہ ربیع الاول امت مسلمہ کے لیے خاص اہمیت کا حامل مہینہ ہے کیونکہ اس مہینے نبی آخرالزماں ﷺ کی دنیا میں تشریف آوری ہوئی، ہر سال 12 ربیع الاول کو سرور کائنات حضرت محمدﷺ کے یوم ولادت پر  دنیا بھر کے مسلمان جشن عید میلاد النبی ﷺ مناتے ہیں، اس موقع پر شہر بھر میں جلوسوں کا اہتمام کیا جاتا ہے۔