پنڈورالیکس : ٹرانسپرنسی انٹرنیشنل کا وزیراعظم عمران خان  کو   خط

تفصیلا ت کے مطابق  ٹرانسپرنسی انٹرنیشنل نے وزیراعظم عمران خان  کو پنڈورا لیکس  سے متعلق  خط لکھ دیا، ٹرانسپرنسی انٹر نیشنل نے خط میں کہا ہے کہ  پنڈورا لیکس میں 700پاکستانیوں کے نام آئے ہیں ، 2016 میں پانامہ پیپرزمیں 4500پاکستانیوں کے نام آئے تھے،  سپریم کورٹ نے پانامہ لیکس سے متعلق  پٹشنز دائر ہوئیں،  ایس ای  سی پی ،اسٹیٹ  بینک ،ایف بی آر اور ایف آئی اے نے تحقیقات کیں، سپریم کورٹ  نے چند پاکستانیوں سے متعلق  نوٹس لیا۔

ٹرانسپرنسی انٹرنیشنل  نے خط میں کہا ہے کہ  پنڈورا لیکس میں شامل افراد کے آف شور کمپنیوں میں سرمایہ کاری کے  طریقہ   کارکی تحقیقات کی جائے،  ایف بی آر پانامہ اور پنڈورا لیکس   میں شامل افرادکے اثاثے منجمد کرے، پنڈورا لیکس میں شامل افراد    3ماہ میں ایف بی آر کو اثاثوں سے متعلق  مطمئن کریں، پنڈورا لیکس میں شامل افراد اگرایف بی آر کو مطمئن نہ کرسکے تو اثاثے ضبط  کیے جائیں۔