22 اکتوبر کے بعد سیاست میں تیزی آئے گی ، شیخ رشید

اسلام آباد : وزیر داخلہ شیخ رشید احمد نے کہا کہ 22اکتوبر کے بعد ملک کی سیاست میں تیزی آئے گی ، ملکی سیاست کے 120 دن اہم ہیں ۔

راولپنڈی میں تقریب سے خطاب کرتے ہوئے شیخ رشید احمد نے کہا کہ پاکستان بڑے حساس اور پیچیدہ وقت سے گزار رہا ہے ، سیاست دان مغرب کو دیکھ رہے ہیں جبکہ سیاست مشرق سے طلوع ہو رہی ہے ،عمران خان کی قیادت میں مہنگائی پر قابو پالیں گے ،ہم عمران خان کی قیادت میں تبدیلی لائیں گے ، عمران خان نے کورونا کو بہترین طریقے سے ہینڈل کا، ، افغانستان کے مسئلے کو بھی ہینڈل کر لیں گے ۔

اس سے قبل شیخ رشید نے ویمن یونیورسٹی راولپنڈی کے نئے بلاک کا افتتاح کیا ، ان کا کہنا تھا کہ رواں ماہ وزیراعلیٰ عثمان بزدار وقارالنسایونیورسٹی کاافتتاح کریں گے جبکہ مری روڈ پر ایک بلڈنگ کو انٹرمیڈیٹ کالج میں بدل رہے ہیں۔ ہم نے راولپنڈی میں تعلیم کیلئے جوخواب دیکھاتھااس کی مثبت تعبیرہوئی اورہم نے ہربیٹی کوتعلیم کی سہولت اس کے گھرتک پہنچائی۔