پاکستان میں کورونا کے مثبت کیسز کی شرح میں نمایاں  کمی 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کی شدت میں کمی آئی ہے ، گزشتہ چوبیس گھنٹے  میں  کورونا کے912 نئے کیسز سامنے  آئے  اور 26اموات کی تصدیق ہوئی۔

ملک میں  کورونا سے اموات  کی تعداد 28 ہزار 58 ہو گئی اور مجموعی کیسز 12 لاکھ 56 ہزار 233 تک جا پہنچے ہیں ۔  این سی اوسی کے مطابق ملک میں کورونا کے فعال کیسز کی تعداد43ہزار 648 ہوگئی  ۔  ملک میں گزشتہ 24 گھنٹوں کے دوران کورونا کی تشخیص کے لیے 45 ہزار 619 ٹیسٹس کیے گئے جبکہ کورونا کے مثبت کیسز کی شرح 1.99 فیصد رہی۔

اس کے علاوہ 24 گھنٹوں کے دوران ملک بھر میں 1633 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 11 لاکھ 84 ہزار 527 ہو گئی ہے ۔ 

Statistics 8 Oct 21:
Total Tests in Last 24 Hours: 45,619
Positive Cases: 912
Positivity %: 1.99%
Deaths : 26
Patients on Critical Care: 2763

— NCOC (@OfficialNcoc) October 8, 2021

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔