وزیراعظم کی لیفٹیننٹ جنرل فیض حمید کی خدمات کی تعریف

تفصیلات کے مطابق وزیراعظم عمران خان سے لیفٹیننٹ جنرل فیض حمید نے ملاقات کی ہے  جس میں افغانستان سمیت  ملکی سیکیورٹی صورتحال پر تبادلۂ خیال کیا گیا۔ وزیراعظم نے بطور ڈی جی آئی ایس آئی لیفٹیننٹ جنرل فیض حمید کی خدمات کو سراہا،  وزیراعظم  عمران خان  نے  نئی ذمہ داریوں کے حوالے سے  نیک خواہشات کا بھی اظہارکیا ۔  فیض حمید نے وزیراعظم اور  حکومت کے تعاون کا شکریہ ادا کیا۔

واضح رہے کہ ایک روز قبل لیفٹیننٹ جنرل فیض حمید کو کور کمانڈر پشاور جبکہ لیفٹیننٹ جنرل ندیم احمد انجم کو نیا ڈی جی آئی ایس آئی تعینات کیا گیا ہے۔