بجلی کی قیمتوں میں 1 روپے 95 پیسے اضافہ، نوٹیفکیشن جاری

تفصیلات کے مطابق  بجلی کی قیمتوں میں 1 روپے 95 پیسے اضافہ کردیا گیا ہے، نیپرا نے بجلی قیمتوں میں اضافے کا نوٹیفکیشن جاری کردیاہے۔

نوٹیفکیشن  کے مطابق  بجلی کی قیمتوں میں اضافہ فیول پرائس ایڈجسٹمنٹ کی مد میں کیا گیا، بجلی کی قیمتوں میں اضافے کا اطلاق رواں ماہ کےبلوں پرہوگا۔

 نیپرا کا کہنا ہے کہ  بجلی کی قیمتوں میں اضافے کا اطلاق کراچی کےعلاوہ تمام صارفین پرہوگا، صارفین پر10 ارب سے زائد اضافی بوجھ پڑے گا۔

نوٹیفکیشن میں کہا گیا ہے کہ بجلی کی قیمتوں میں اضافہ ایک ماہ کےلیے کیا گیا، اضافے کا اطلاق لائف لائن صارفین پرنہیں ہوگا، رواں ماہ بجلی بجلی 20 روپے 11 پیسے فی یونٹ وصول کیے جائیں گے۔

خیال رہے کہ 10 ستمبر کو نیشنل  الیکٹرک  پاورلیگولیٹری اتھارٹی (نیپرا ) نے فیول پرائس ایڈجسٹمنٹ کی مد میں بجلی کی قیمتوں میں 1 روپے 37 پیسے اضافہ کیا تھا ۔