پاکستان کی بھارتی وزیر داخلہ کے سرجیکل سٹرائیکس کے بیان کی مذمت 

تفصیلات کے مطابق پاکستان نے  بھارتی وزیر داخلہ کے سرجیکل سٹرائیکس کے بیان کی مذمت کردی ، ترجمان دفتر خارجہ کا کہنا ہے کہ  بھارتی وزیر داخلہ کا بیان آر ایس ایس نظریہ کی عکاسی اور  سیاسی مصلحت کو ظاہر کرتا ہے ،  بھارتی وزیر داخلہ کا بیان پاکستان دشمنی پر مبنی ہے۔

 ترجمان دفتر خارجہ عاصم افتخار  نے کہا ہےکہ  بھارتی وزیر داخلہ کا بیان مقبوضہ کشمیر میں مظالم اور بھارت میں اقلیتوں سے روا سلوک سے توجہ ہٹانے کی کوشش ہے ،  پاکستان امن پسند ملک ہے، کسی بھی قسم کی جارحیت ناکام بنانے کی صلاحیت رکھتے ہیں۔

عاصم افتخار   کا مزید کہنا تھا کہ  2019 میں بالاکوٹ بھارتی  غلط فہمی کا بھرپور جواب اسکی مثال ہے  بھارتی فوج کا طیارہ مار گرانا اور پائلٹ کو پکڑنا پاکستان فوج کی ہمہ وقت تیاریوں کا ثبوت ہے۔