پی ٹی آئی کے ناراض اتحادی   ن لیگ   میں شمولیت کیلئے تیار ہیں ،محمدزبیر

جی این این کے پروگرام  خبر  ہے میں گفتگو کرتے ہوئے  مریم نواز کے ترجمان  محمد زبیر  نے کہا ہے کہ  کالعدم ٹی ایل پی کے معاہدہ میں وزیر داخلہ شامل نہیں ، کبھی کہتے ہیں  کہ کالعدم جماعت  بھارت سے فنڈنگ لیتے ہیں، اس کے بعدحکومتی وزراء  اپنے بیان سےپیچھے ہٹ جاتےہیں۔

محمد زبیر نے کہا کہ ن لیگ کے حوالے سے بہت سے لو گ کنفیوژن کا  شکار ہیں ،  مریم نواز کا مؤقف جارحانہ  ہے، ہمیں 2018کے الیکشن میں پلئینگ فیلڈ نہیں ملی،  میاں  شہبازشریف کی نظر میں مفاہتی طریقہ بہتر ہے،  اب بات چیت سے نہیں  عوام کے پاس فیصلہ چلا گیا ہے۔

ترجمان مریم نواز نے پروگرام میں کہا کہ   ملکی معیشت تباہ و بربادہوچکی ہے،  اب حکومت  معیشت ٹھیک نہیں کرسکتی ، ملکی معیشت تباہ و بربادہوچکی ہے، 6اکتوبر  کےبعد کی صورتحال سے  حالات بدل  چکی ہے،  میاں نوازشریف کے ملٹری اسٹیبلشمنٹ سے کوئی رابطے نہیں۔انہوں نے کہا کہ  بہت سے ایم این ایز ہمارے رابطے میں ہیں، ہم جوڑ توڑ کرکےحکومت میں  نہیں آئیں گے، پی ٹی آئی کے ناراض اتحادی مسلم لیگ ن  میں شمولیت کےلئے تیار ہیں ۔

محمدزبیر کا کہنا تھا کہ  حکومت میں موجود لوگوں میں قابلیت نہیں ، وزیراعظم عمران خان میں تو کسی قسم کی قابلیت نہیں،

کہتےہیں ہم نے مصنوعی طور پر  مہنگائی کنٹرول  کی تھی،  حکومت کو چاہئےمصنوعی طور پر ہی مہنگائی کنڑول کرلیں۔ان کا کہنا تھا کہ  ہم نیب آرڈیننس سے  کوئی فائدہ نہیں لیں گے، جو حکومت میں لوگ  ہیں یہ نیب آرڈیننس کا ضرور فائدہ لیں گے۔