انگلینڈ کا سری لنکا کو جیت کے لیے 164 رنز کا ہدف

تفصیلات کے مطابق شارجہ میں کھیلے جارہے سپر12 کے میچ میں سری لنکا کے کپتان داسن شناکا نے ٹاس جیتا اور گروپ کی سرفہرست ٹیم انگلینڈ کو پہلے بیٹنگ کی دعوت دی۔

انگلینڈ کی جانب سے جوز بٹلر نے دھواں دار بیٹنگ کا مظاہرہ کیا اور اپنے کیرئر کی پہلی سنچری اسکور کی،ان کی اننگز میں 6 چھکے او 6 چوکے شامل ہیں۔

انگلینڈ کے کپتان مورگن نے بھی اچھی بیٹنگ کی اور 40 رنز بنائے،جیسن روئے نے13 رنز بنائے جبکہ ڈیوڈ ملان صرف 6 رنز بنا سکے۔

سری لنکا کی جانب سے ہسارنگا نے تین وکٹیں حاصل کیں ہیں۔ میچ کے لیے دونوں ٹیمیں ان کھلاڑیوں پر مشتمل ہیں۔

انگلینڈ: اوئن مورگن (کپتان)، جیسن روئے، جوز بٹلر، ڈیوڈ ملان، جونی بیئراسٹو، لیام لیونگسٹن، معین علی، کرس ووکس، کرس جورڈن، عادل رشید، ٹائمل ملز۔

سری لنکا: داسن شناکا(کپتان)، پتھُم نسانکا، کوشل پریرا، چارتھ اسالانکا، آوشکا فرنینڈو، بھنوکا راجا پکسے، چمیکا کرونارتنے، ونندو ہسارنگا ڈی سلوا، دشمانتھا چمیرا، لہیرو کمارا، مہیش تھکشانا۔