بٹلر نے ٹی 20 ورلڈ کپ کی پہلی سنچری داغ دی

تفصیلات کے مطابق ٹی ٹوئنٹی ورلڈکپ سپر 12 کے میچ میں انگلینڈ کے وکٹ کیپر  جوز بٹلر نے سری لنکا کے خلاف آج کھیلے گئے میچ میں سینچر مکمل کی۔

جوز بٹلر نے سری لنکا کے خلاف اننگز میں 6 چھکے اور 6 چوکے لگائے۔ جوز بٹلر نے سری لنکا کے خلاف دھویں دار بیٹنگ کرتے ہوئے ٹی ٹوئنٹی ورلڈکپ کی پہلی سینچری مکمل کی۔

جوز بٹلر نے 67 گیندوں پر 101 رنز کی شاندار اننگز کھیلی اور ناٹ آؤٹ رہے جبکہ انگلینڈ کے کپتان مورگن نے بھی سری لنکا کے خلاف اچھے کھیل کا مظاہرہ کرتے ہوئے 40 رنز بنائے۔،جیسن روئے نے13 رنز بنائے جبکہ ڈیوڈ ملان صرف 6 رنز بنا سکے۔

انگلینڈ نے پہلے کھیلتے ہوئے 163رنز سکور کیے تھے جبکہ ہدف کا تعاقب کرتے ہوئے سری لنکا کی پوری ٹیم 137 رنز پر ڈھیرہوگئی ہے اور یہ میچ انگلینڈ نے 26 رنز سے جیت لیا ہے۔