خیبر پختون خواہ میں بلدیاتی انتخابات کا نیا شیڈول جاری

اسلام آباد: الیکشن کمیشن نے خیبر پختونخواہ میں بلدیاتی انتخابات کے نئے شیڈول کا اعلان کردیا ۔

الیکشن کمیشن پشاور ہائیکورٹ کے فیصلے پر عملدرآمد کے لیے کاغذات نامزدگی جمع کرانے کا وقت بڑھا دیا ۔ 

الیکشن کمیشن خیبرپختون خواہ کے مطابق امیدوار اب دس نومبر تک اپنے کاغذات نامزدگی جمع کرواسکیں گے اور کاغذات کی جانچ پڑتال 12 سے 14 نومبر تک ہوگی ۔ 

الیکشن شیڈول کے مطابق کاغذات منظور یا مسترد کیے جانے کیلئے اپیلیں 15 سے 17 نومبر تک دائر کی جا سکیں گی جبکہ ایپلیٹ ٹریبونل اپیلوں پر فیصلہ 19 نومبر تک دے گا۔

الیکشن کمیشن کے جاری شیڈول میں بتایا گیا ہے کہ امیدواروں کو انتخابی نشانات 23 نومبر کو الاٹ کیے جائیں گے اور خیبرپختونخوا کے 17 اضلاع میں بلدیاتی انتخابات کیلئے پولنگ 19 دسمبر کو ہی ہو گی۔

خیال رہے کہ الیکشن کمیشن نے اس سے قبل خیبر پختونخوا میں پہلے مرحلے میں 15 دسمبر کو بلدیاتی انتخابات کروانے کا فیصلہ کیا تھا۔