ٹی ٹوئنٹی ورلڈ کپ : سری لنکا نے ویسٹ انڈیز کو  20  رنز سے ہرا دیا

ٹی 20 ورلڈ کپ سپر 12 مرحلے کے میچ میں سری لنکا نے ویسٹ انڈیز کو باآسانی 20 رنز سے شکست دے دی۔ ویسٹ انڈیز کی ٹیم  190 رنز کے تعاقب میں مقررہ اوورز میں 8 وکٹوں کے نقصان پر 169 رنز بناسکی۔

ویسٹ انڈیز کی جانب سے شمرون ہٹمائر ہٹمائر 81 رنز کے ساتھ ناٹ آؤٹ رہے، نکولسن پورن 46 رنز، ایون لوئس 8 رنز بنا سکے۔ اوپنر کرس گیل ایک رنز بنا کر پویلین لوٹ گئے۔ کیرون پولارڈ  صفر پرآوٹ ہوئے۔آندرے رسل 2 ، جیسن ہولڈر  8 رنزبنا سکے۔

سری لنکا کی جانب سے بنورا فرنینڈو اور کرونا رتنے نے دو، دو وکٹیں حاصل کیں، چمیرا اور دسن شناکا نے ایک، ایک وکٹ حاصل کی۔

قبل ازیں  سری لنکا نے پہلے بیٹنگ کرتے ہوئے مقررہ اوورز میں 3 وکٹوں کے نقصان پر 189 رنز بنائے تھے۔

سری لنکا کی جانب سے چرتھ اسالنکا نے 68  ، نسانکا 51 رنز بنا سکے۔ کوشل پریرا نے 29 رنز بنائے،  دسن شناکا 22 رنز کے ساتھ ناٹ آؤٹ رہے۔

 ویسٹ انڈیز کی جانب سے آندرے رسل نے دو کھلاڑیوں کو پویلین کی راہ دکھائی، ڈیووین براوو ایک وکٹ حاصل کرسکے۔