مشیر خزانہ شوکت ترین سے بین الاقوامی اکانومسٹ ڈاکٹر آرتھر لیفر کی ملاقات

تفصیلات کے مطابق  مشیر خزانہ شوکت ترین سے بین الاقوامی اکانومسٹ ڈاکٹر آرتھر لیفر  نے  ملاقات کی ہے ،  امریکن بزنس کونسل کے ارکان، سیکرٹری خزانہ اور دیگر اعلی حکام بھی شریک ہوئے،  مشیر خزانہ شوکت ترین نے ملکی معیشت کی تازہ صورتحال پر روشنی ڈالی۔

مشیر خزانہ شوکت ترین نے کہا کہ  معیشت کو درپیش چینلجز سے نمٹنے کیلئے ٹھوس اقدامات کئے گئے ہیں،برآمدات کے فروغ کیلئے زراعت، آئی ٹی اور صنعت کی ماڈرنائزیشن پر توجہ ہے، مہنگائی پر قابو پانے، زرمبادلہ کے ذخائر کی تقویت اور پیداوار بڑھانے کیلئے کوشاں ہیں۔

بین الاقوامی اکانومسٹ ڈاکٹر آرتھر لیفر  نے اقتصادی ترقی کیلئے حکومتی اقدامات کی تعریف کی۔ ڈاکٹر آرتھر لیفر نے کہا کہ  اقتصادی نمو کیلئے اہم اصلاحات کی جلد تکمیل ضروری ہے۔