حافظ آباد میں خوفناک ٹریفک حادثہ ، 2افراد جاں بحق 

جی این این کے مطابق صوبہ پنجاب کے ضلع حافظ آباد میں افسوس ناک حادثہ اس وقت پیش آیا جب  غلط سائیڈ سے آنیوالی اوور لوڈ ٹریکٹر ٹرالی کار سے ٹکراگئی ۔

حادثے کے نتیجے میں بچہ اور ڈرائیور موقع پر ہی دم توڑ گئے جبکہ 4 افراد شدید زخمی ہوئے ہیں ۔ 

ریسکیو کے مطابق   پنڈی بھٹیاں کا رہائشی محمد اقبال اپنی فیملی کے ہمراہ کار پر سوار ہو کر سلانوالی سے پنڈی بھٹیاں براستہ لاہور روڈ آ رہا تھا کہ افسوس ناک حادثے کا شکار ہوگیا ۔

حادثے کی اطلاع ملتے ہی ریسکیو امدادی ٹیمیں  موقع پر پہنچ گئی  ۔ حادثے میں  جاں بحق ہونیوالوں کی شناخت  محمد اقبال اور جمیل کے نام سے ہوئی ہے ۔ جبکہ پروین بی بی،نوراں بی بی سمیت چار خواتین  شدید زخمی ہوگئیں جنہیں فوری طور پر تحصیل ہیڈ کوارٹر ہسپتال بھاگٹانوالہ منتقل کر دیا گیا ہے ۔ زخمیوں میں ایک خاتون کی حالت تشویشناک بتائی جاتی ہے۔