کورونا : حرمین شریفین میں حفظان صحت کے سخت انتظامات کی ہدایات جاری

عرب میڈیا کے مطابق  ڈاکٹر السدیس نے انتظامیہ کے عہدیداروں کو ہدایت کی ہے کہ کورونا وائرس سے بچاؤ کے لیے مقرر کردہ حفاظتی تدابیر پر سختی سے عملدرآمد کرائیں تا کہ کسی قسم کی مشکل صورتحال میں مبتلا نہ ہوں۔

ڈاکٹر السدیس نے مزید کہا کہ وہ متعلقہ اداروں کے تعاون سے زائرین کی صحت و سلامتی کو یقینی بنائے رکھنے اورکورونا وائرس و اس کی نئی شکلوں کو پھیلانے سے روکنے کےلیے انتظامات کو مزید بہترکیا گیا ہے ۔

واضح رہے کہ سعودی عرب میں  کورونا کے افریقی ویرینٹ اومی کرون کے پہلے کیس کی تصدیق  بدھ کے روز ہوئی اور وائرس سے متاثرہ شخص شمالی افریقی ملک سے واپس آیا تھا ۔  عرب میڈیا کا بتانا ہےکہ اومی کرون وائرس سے متاثرہ شخص اور اس کے ساتھ رابطے میں رہنے والے افراد کو بھی قرنطینہ کردیا گیاہے۔ 

سعودی عرب کی وزارت نے اس ضمن میں گزشتہ روز ہی کہا تھا کہ متاثرہ سعودی شہری نے جن افراد سے بھی ملاقات کی ہے ان سب کی نشاندہی کرلی گئی ہے اور تمام ممکنہ حفاظتی انتظامات یقینی بنائے گئے ہیں جبکہ سعودی عرب آنے والے مسافروں کی نگرانی جاری ہے ۔