کورونا وائرس : سعودی حکومت نے ایک بار پھر پابندی کا عندیہ دیدیا  

مقامی میڈیا رپورٹس کے مطابق عرب میڈیا کا کہنا ہے کہ  حکام نے زور دیا ہے کہ شادی ہالز اور تقریبات میں احتیاطی تدابیر کی پھر پابندی کرائی جائے گی ۔  مملکت کی وزارت بلدیات و دیہی وآبادکاری امور کے ترجمان نے سعودی عرب میں شادی ہالز اور تقریبات میں کورونا ایس او پیز کی پابندی  پرعملدرآمد کروانے کی ایک بار پھر ہدایت کی ہے تاکہ وبا کا پھیلاؤ نہ ہوسکے۔

ترجمان کا کہنا ہے کہ مملکت کے تمام علاقوں میں میونسپلٹی و بلدیاتی کونسلوں کے انسپکٹرز، کمشنریوں اور تحصیلوں کے ذمہ داران بھی کورونا ایس او پیز کی خلاف ورزی کی تفتیش کریں گے۔

شادی  ہالز اور دیگر تقریبات کی انتظامیہ کورونا وائرس سے بچاؤکےلیے مقرر ضوابط کی پابندی کو یقینی بنائیں گی ۔ ترجمان نے کہا کہ اب تک مملکت بھر میں شادی ہالز میں دوہزار 356 تفتیشی کارروائیاں کیں، اس دوران مختلف قسم کی 193 خلاف ورزیاں  ہوئیں ۔

ان کا مزید کہنا تھا کہ کئی خلاف ورزیاں شادی ہالزمیں ماسک نہ پہنے، سینیٹائزر کی عدم دستیابی، وائرس میں مبتلا ہونے کے شبے پر متعلقہ افراد کوآئسولیشن میں نہ بھیجنے اور وائرس سے بچاؤکےلیے انتباہی علامتیں آویزاں  نہ کرنے جیسی خلاف ورزیاں بھی ریکارڈ کی گئی ہیں۔