کالا قانون عوام کی حق تلفی ہے: عامر خان

تفصیلات کے مطابق میڈیا سے گفتگو کرتے ہوئے عامر خان کا کہنا تھا کہ سندھ میں پیپلزپارٹی والے اپنے مفادات کے لیے عوام کے حقوق پر ڈاکہ ڈال رہے ہیں۔

ان کا کہنا تھا کہ کہ سندھ کے غریب کسان ان کے چنگل میں پھنسے ہوئے ہیں، یہ مظلوموں اور ان کے ساتھ ہونے والی زیادتیوں کی بات کرتے ہیں جب کہ یہاں غریبوں کو دو وقت کا کھانا نہیں ملتا ہے۔

ایم  کیو ایم پاکستان کے سینئر ڈپٹی کنوینر عامر خان کا کہنا تھا کہ وڈیرہ گینگ پورے سندھ پر مسلط ہے، ناظم جوکھیوکے واقعے کی مثال سب کے سامنے ہے کہ یہ اپنے وڈیروں کا دفاع کر رہے ہیں۔

انہوں نے کہا کہ تھر کے معصوم بچوں کو پینے کا صاف پانی تک میسر نہیں ہے۔ ان کا کہنا تھا کہ عملاً صورتحال بہت مختلف ہے۔

ان کا مزید کہنا تھا کہ کالا قانون سندھ کے عوام کی حق تلفی ہے۔ ان کا کہنا تھا کہ بلاول بھٹو کی بوکھلاہٹ صاف نظر آرہی ہے۔