جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

پاکستان آرمی سپرٹ مشق آج پبی کے قومی انسداد دہشتگردی مرکز میں شروع

پاکستان آرمی ٹیم سپرٹ مشق اورمتعین کام پرمبنی پیشہ ورانہ فوجی مشق ہے جوہرسال پاکستان میں منعقد ہوتی ہے

Published by Web Desk

پر شائع ہوا

کی طرف سے

ساتویں انٹرنیشنل پاکستان آرمی ٹیم سپرٹ مشق آج پبی کے قومی انسداد دہشتگردی مرکز میں شروع کر دی گئی ہے ۔ 

ڈائریکٹر جنرل ملٹری ٹریننگ نے 60 گھنٹے پرمحیط پٹرولنگ مشق کاافتتاح کیاجس کامقصد پیچیدہ بین الاقوامی سلامتی کے ماحول میں دوست ملکوں کے درمیان فوجی تعاون کو بڑھاناہے۔

اس مشق میں مجموعی طورپرفوجی مبصرین سمیت بیس ملک شرکت کررہے ہیں ۔شرکاء میں پاکستان ،بحرین، اردن، قازقستان،سعودی عرب ،مالدیپ ،مراکش، قطر، سری لنکا، تھائی لینڈ، ترکیہ، امریکہ اورازبکستان شامل ہیں جبکہ آذربائیجان، بیلاروس ،چین ،میانمار، جرمنی، انڈونیشیا ، جاپان اورعمان بطورفوجی مبصرشرکت کررہے ہیں۔

پاکستان آرمی ٹیم سپرٹ مشق اورمتعین کام پرمبنی پیشہ ورانہ فوجی مشق ہے جوہرسال پاکستان میں منعقد ہوتی ہے ۔یہ مشق بھرپورجسمانی مستعدی، ذہنی پھرتی واستعداداورپیشہ وارانہ مہارت کی متقاضی ہے تاکہ حقیقی ماحول میں دشوارمشن کے دوران صورتحال کے مطابق فوری فیصلے کئے جاسکیں۔

اس مشق کے اغراض ومقاصد میں مشترکہ ٹیم جذبے کے ذریعے استقامت کا حصول شامل ہے۔اس مشق سے جدت پرمبنی اورمفیدتصورات کے اشتراک کے ذریعے ایک دوسرے سے تعاون کے علاوہ فوجی جوانوں کے بنیادی کردارکوآگے بڑھانے میں مددملے گی۔

پڑھنا جاری رکھیں

ٹیکنالوجی

بینظیر انکم سپورٹ پروگرام نے فراڈ کے باعث آفیشل وٹس ایپ چینل شروع کر دیا

اس سے قبل بی آئی ایس پی نے نیشنل ٹیلی کمیونیکیشن کارپوریشن کے تعاون سے ایک جدید کال سینٹر قائم کیا تھا

Published by Web Desk

پر شائع ہوا

کی طرف سے

بے نظیر انکم سپورٹ پروگرام نے عوام کو اپنے مختلف اقدامات کے حوالے سے تفصیلات فراہم کرنے اور جعلی پیغامات سے ہوشیار رہنے کیلئے ایک واٹس ایپ چینل شروع کیا ہے۔

سرکاری ذرائع کے مطابق پروگرام سے مستفید ہونے والے موجودہ اور متوقع مستحقین کو ہدایت کی گئی ہے کہ وہ بینظیر انکم سپورٹ کے تمام پروگراموں کے حوالے سے معلومات کے حصول کیلئے بی آئی ایس پی سرکاری واٹس ایپ چینل کو دیکھیں۔

اس سے قبل بی آئی ایس پی نے نیشنل ٹیلی کمیونیکیشن کارپوریشن کے تعاون سے ایک جدید کال سینٹر قائم کیا تھا جس کا مقصد پروگراموں سے متعلق مستند معلومات کی فراہمی اور مستحقین کی شکایات کا فوری ازالہ کرناہے۔

پڑھنا جاری رکھیں

پاکستان

پیپلز پارٹی رہنما خورشید شاہ کا بانی چیئرمین پی ٹی آئی سے رابطے کا انکشاف

مرکز میں حکومت سازی کےلئے پیپلز پارٹی نے پی ٹی آئی سے رابطہ کیا، خورشید شاہ

Published by Nouman Haider

پر شائع ہوا

کی طرف سے

پیپلز پارٹی کے رہنما اور رکن قومی اسمبلی خورشید شاہ نے کہا ہے کہ ہم نے مرکز میں حکومت سازی کےلئے پاکستان تحریک انصاف سے رابطہ کیا تھا لیکن پی ٹی آئی انہوں نے انکار کردیا۔

سندھ اسمبلی آمد کے موقع پر میڈیا سے بات چیت کرتے ہوئے ان کا کہنا تھا کہ پیپلز پارٹی کے پاس اس وقت جمہوریت کی چابی ہے، جسے ہم نے جمہوریت کے لیے استعمال کیا۔ احتجاج کرنے والی جماعتوں کو عوام نے مینڈیٹ نہیں دیا، ان کا کام صرف شرانگیزی پھیلانا ہے۔

بانی پی ٹی آئی عمران خان کی جانب سے آئی ایم ایف کو لکھے گئے خط پر تبصرہ کرتے ہوئے خورشید شاہ کا کہنا تھا کہ آئی ایم ایف کو خط لکھنا اندرونی معاملات میں مداخلت ہے، اندرونی معاملات میں مداخلت کی کسی کو اجازت نہیں دیں گے۔

رہنما پیپلزپارٹی نے کہا کہ ہم مسلم لیگ (ن) کے ساتھ بغیر کسی لالچ کے بیٹھے ہیں، ہم وزارت عظمیٰ کے لیے ووٹ بھی دیں گے اور قانون سازی و دیگر معاملات میں بھی تعاون کریں گے مگر ہم وفاقی حکومت سے کوئی وزارت نہیں لیں گے۔

انہوں نے کہا کہ کے پی کے میں اے این پی کس کے خلاف احتجاج کررہی ہے، جی ڈی اے تو کبھی بھی ایک سیٹ سے زیادہ نہیں جیتی۔

خورشید شاہ نے بتایا کہ چیئرمین سینیٹ کے لیے ابھی یوسف رضا گیلانی کے نام پر غور ہورہا ہے۔

 

پڑھنا جاری رکھیں

ٹرینڈنگ

Take a poll