ایران میں دشمن ریاستوں اور گروہوں کی جاسوسی پر سزائے موت کی ترمیمی قرارداد منظور

ایران میں دشمن ریاستوں اور گروہوں کی جاسوسی پر سزائے موت اور جائیداد ضبط کرنے کی ترمیمی قرار داد منظور ہوگئی۔

میڈیا رپورٹس کے مطابق جاسوسی کے الزام میں گرفتار ہونے پر اپیل کا بھی حق نہیں ہوگا۔ سپریم نینشل سکیورٹی کونسل کو دشمن ریاستوں اور گروہوں کی شناخت کا اختیار مل گیا۔

نظر ثانی شدہ متن کے مطابق اگر کوئی شخص دشمن ریاستوں اور گروہوں کیلئے کسی بھی انٹیلی جنس ، جاسوسی کی سرگرمی اور آپریشنل کارروائی میں ملوث پایا گیا تو اسے پھانسی سے لے کر جائیداد تک کا ضبط کیا جانا شامل ہے۔

قرارداد میں مزید کہا گیا ہے کہ سزائے موت کے علاوہ دیگر سزاؤں کے خلاف اپیل نہیں کی جا سکتی جبکہ سزائے موت کے خلاف سپریم کورٹ میں زیادہ سے زیادہ 10 دن کے اندر اپیل کی جا سکتی ہے۔

اس کے علاوہ یہ بل سائبر حملوں، جاسوسی کے لیے استعمال ہونے والے ڈرونز، اور حساس معلومات کو غیر ملکی میڈیا تک پہنچانے جیسے اقدامات کو بھی نشانہ بنائے گا۔