پاکستان کے نامور اداکار عابد کشمیری انتقال کر گئے۔

تفصیلات کے مطابق سینئر اداکار 74 سال کی عمر میں مختصر علالت کے باعث انتقال کر گئے جس کی اطلاع ان کی بیٹی نے دی ، انہوں نے اس حوالے سے بتایا کہ عابد کشمیری کچھ عرصہ سے بیمار تھے۔ مرحوم نے اپنے پسماندگان میں دو بیٹے اور دو بیٹیاں چھوڑی ہیں۔
لیجنڈری اداکار عابد کشمیری 4 مئی 1950 کو لاہور میں پیدا ہوئے۔ انہوں نے سینکڑوں ٹی وی ڈراموں، سٹیج اور فلموں میں کام کیا، او راس دوران اپنی بے ساختہ مزاحیہ اداکاری کے باعث شائقین کے دلوں پر راج کرتے رہے۔

ان کے ٹی وی ڈراموں کی بھی ایک طویل فہرست ہے جن میں لوہاری گیٹ، سورج کے ساتھ ساتھ، تیسرا کنارہ اور اپنے لوگ سمیت دیگر ڈرامے شامل ہیں، ڈرامہ سمندر میں عابد کشمیری کا کردار گلو بادشاہ بہت مقبول ہوا تھا جسے آج بھی شائئقین یاد کرتے ہیں۔ ان کا یہ کردار کافی مشہور ہوا.

1988 میں انھیں فلم ’’بازار حسن‘‘ پر بہترین مزاحیہ اداکار کے لیے نگار ایوارڈ دیا گیا۔ اس کے علاوہ بھی وہ کئی ایک ڈراموں میں جوہر دکھا چکے ہیں۔ ان کی مشہور فلموں میں جیتے ہیں شان سے اور آہٹ بھی شامل ہیں۔

کراچی : پاکستان میں سونے کی قیمت میں جمعہ کے روز بڑا  اضافہ دیکھا گیا ہے ، جس کے بعد فی تولہ قیمت 2 لاکھ 73 ہزار روپے سے تجاوز کر گئی۔

کراچی صرافہ ایسوسی ایشن کے جاری کردہ اعداد و شمار کے مطابق، 24 قیراط سونے کی قیمت 2,700 روپے اضافے کے بعد 2 لاکھ 73 ہزار 900 روپے فی تولہ ہو گئی، جبکہ 24 قیراط فی 10 گرام سونا 2,315 روپے بڑھ کر 2 لاکھ 34 ہزار 825 روپے تک پہنچ گیا۔

دوسری جانب عالمی منڈ ی میں سونے کی فی اونس قیمت میں 27 ڈالر کا اضافہ ہوا جس کے بعد قیمت 2640 ڈالر فی اونس پر پہنچ گئی ہے ۔

 22 قیراط سونے کی قیمت فی 10 گرام 2 لاکھ 15 ہزار 256 روپے ریکارڈ کی گئی۔

یہ بات قابلِ ذکر ہے کہ گزشتہ روز سونے کی قیمت میں 500 روپے فی تولہ کمی ہوئی تھی، جبکہ بدھ کے روز اس میں 3 ہزار روپے فی تولہ کمی دیکھی گئی تھی ۔

پاکستان کی مقامی مارکیٹ میں آج چاندی کی قیمت میں کوئی اضافہ دیکھنے میں نہیں آئیا قیمت 3050 روپے پر مستحکم ہے ۔

اسرائیل کی غزہ کے پناہ گزین سکولوں، سپتالوں پر بمباری اور بیروت پرحملوں سے مجموعی طور 92 افراد شہید ہوگئے۔

غیر ملکی میڈیا کے مطابق اسرائیل نے اپنی جارحیت کو جاری رکھتے ہوئے غزہ کے پناہ گزین سکولوں اور اسپتالوں پر بمباری کرکے مزید 70 سے زیادہ فلسطینی شہید کر دیئے ۔

دوسری جانب اسرائیل نے حزب اللہ کے سیاسی رہنما کو نشانہ بنانے  کیلئے بیروت کے گنجان آباد علاقے پر حملہ کردیا جس سے دو عمارتیں ملبے کا ڈھیر بن گئیں۔

اس کے علاوہ شمالی غزہ میں فلسطینی مزاحمت کاروں کی اسرائیلی فوج سے شدید جھڑپیں ہوئیں جس سے 3 اسرائیلی فوجی ہلاک ہوگئے۔

واضح رہے کہ  اسرائیل کے حملے سے بیروت میں 22 افراد شہید اور 170  زخمی ہوگئے۔ 

میڈیا رپورٹس کے مطابق شام لبنان سرحد پر اسرائیل نے بمباری کرکے ایرانی ہلال احمر کا فیلڈ ہسپتال  تباہ کردیا۔ 

اس کے علاوہ اسرائیلی حملے میں حزب اللہ رہنما وافق صفا کے بچ جانے کی اطلاعات سامنے آئی ہیں جبکہ  یو این امن دستوں پر گولہ باری پر کئی ممالک کی جانب سے  مذمت کی گئی ہے۔