معروف اور مہنگے ترین بھارتی میزبان کپل شرماایک قسط کا کتنا معاوضہ لیتے ہیں؟

ویب ڈیسک: مشہور بھارتی میزبان کپل شرما  ایک بار پھر سے خبروں کا حصہ بنے ہوئے ہیں، جس کی وجہ ان کے شو " دی گریٹ انڈین کپل شرما " کے تیسرے سیزن میں کپل کی جانب سے لیا جانے والا معاوضہ ہے۔

بھارتی میڈیا کے مطابق میزبان کپل شرما فی قسط 5 کروڑ معاوضہ وصول کرتے ہیں مگر اس میں دلچسپ بات یہ ہے کہ پہلے سیزن سے تیسرے سیزن تک ان کا معاوضہ وہی ہے۔

انہوں نے  پہلے سیزن کی 13اقساط کا معاوضہ 65 کروڑ بھارتی روپے لیا تھا ، جبکہ دوسرے اور تیسرے سیزن میں معاوضے میں کوئی تبدیلی نہیں دیکھی گئی۔

اندازے کے مطابق ان کی ان تینوں سیزن کی  کل کمائی 195کروڑ ہو گی۔

دی گریٹ انڈین کپل شو کے تیسرے سیزن کا آغاز گزشتہ ماہ 21 جون سے کیا گیا تھا جس میں سابق بھارتی کرکٹر نوجوت سنگھ کے ساتھ بالی وڈ اداکارہ ارچنا پورن سنگھ بھی شو کا حصہ ہیں۔

خیال رہے کہ کپل  شرما نے اپنے کامیڈی شو کا آغاز 2013 میں " کامیڈی نائٹس ود کپل " سے کیا تھا  جس کے بعد2016 سے 2023 تک ان کا شو  دی کپل شرما شو عوام کی توجہ کا مرکز رہا ہے ، جس کے تیسرے سیزن کا آغاز گزشتہ ماہ کیا گیا ہے۔

اس شو میں متعدد بالی ووڈ سٹارز آتے ہیں جن کی آمد کا مقصد ان کی فلموں کی پروموشن بھی ہوتا ہے ، شائقین کی تفریح کے لیے مزاحیہ گفتگو اور کچھ کھیل بھی شو کا حصہ ہیں۔